amalinks wokungena

Breaking News

Kuqhamuke Ukulwisana Phakathi Kwabathengisela Ezitaladeni zeHarare Lamapholisa


Kuqhamuke ukulwisana phakathi kwabaphila ngokuthengisa ezitaladeni lamapholisa eHarare ngoMvulo kwalimala abantu abambalwa.

Kufe njalo amafasitela ekhemesi yakoQV etholakala esitaladeni sikaNkwame Nkruma loAngwa Street.

Abathengisela ezitaladeni bebejikijela amapholisa ngamatshe kuthi amapholisa wona ebehlasela ngezamboko lethuthu ehitshayo, i-tear gas.

Elinye ipholisa lihwatshe uvolovolo lisethusela abathengisayo laba, ngokutsho kwesikhulumeli samapholisa uMnu Paul Nyathi.

UMnu Nyathi uthi ukulwisana lokhu kuqale ngemva kokuba amapholisa ezame ukuhlenga usomabhizimusi ebethunjwe ngabanye babathengisela.

Kodwa abathengisayo bayakulandula lokhu besithi amapholisa abahlasele ngaphandle kwesizatho.

Olwela amalungelo oluntu eHarare uMnu Charles Nyoni, yena obone ukulwisana lokhu kusenzakala, utshele iStudio 7 ukuthi ukuhlaselwa kwabathengisela ezitaladeni ngamapholisa sokuyinsakavukela kulelidolobho.

please wait

No media source currently available

0:00 0:02:01 0:00

XS
SM
MD
LG