amalinks wokungena

Breaking News

AbeZanu PF Bathi uChamisa Uyaziphuphela Nje Ngokuthi Kubunjwe Uhulumende Omutsha


Amazwi kamkhokheli weMDC uMnu Nelson Chamisa awokuthi sokumele kubunjwe uhulumende ozaphatha intambo zombuso okwesikhatshana eZimbabwe kulungiselelwa ukhetho olutsha asechothozwe ngabanye kubandla leZanu PF abathi uChamisa uyaziphuphela.

Ekhuluma emhlanganweni awenzele eChiredzi ngeSonto, uMnu Chamisa uthe ukutshabalala komnotho sokuveze sobala ukuthi uhulumende kaMongameli Emmerson Mnangagwa sehlulekile.

Ngokunjalo, uthe kumele kubunjwe uhulumende ozabusa okwesikhatshana, owe-transitional authority, ezame ukuhlenga ilizwe ebunzimeni eliphakathi kwabo andubana kuyiwe kukhetho olutsha.

UChamisa wengeze wathi uMnangagwa kumele akhulumisane laye ngoba kunguye olesisombuluso kunkinga zonke ezikhona.

Ebuzwa ukuthi inkulumo lezi kumele zikhokhelwe ngubani, uChamisa uthe kumele zilawulwe ngumuntu ohloniphekayo ofana lowake waba nguMongameli wakweleSouth Africa uMnu Kgalema Motlanthe.

Kodwa ilunga leZanu PF uMnu Believe Gaule utshele iStudio 7 ukuthi asikho isidingo sokubumba uhulumende omutsha ngoba uhulumende okhona ekhethwe ngabantu njalo esenza umsebenzi wakhe kuhle.

please wait

No media source currently available

0:00 0:02:00 0:00

Khepha isikhulumeli sikaChamisa, uDr Nkululeko Sibanda ukulandule lokhu esithi ibandla leZanu PF laqilibezela kukhetho kanti njalo selehlulekile ukuvuselela umnotho welizwe.

please wait

No media source currently available

0:00 0:02:19 0:00
XS
SM
MD
LG