amalinks wokungena

Breaking News

Umeli weMelika eZimbabwe Usola Ukuhlukuluzwa Kwabalwela Amalungelo Oluntu


Umeli weMelika eHarare uAmbassador Brian Nichols uhlangane lomphathintambo obona ngobudlelwano beZimbabwe lamanye amazwe uMnu Sibusiso Moyo izolo wamazisa ukuthi eleMelika liphatheke kabi ngokubotshwa mahlayana kwabalwela amalungelo oluntu eZimbabwe.

Isigodlo seMelika sithi uNichols ukhuthaze njalo uMoyo ukuthi kumele uhulumende ahloniphe amalungelo oluntu lokuthi aqhube inkulumo eziletha wonke umuntu ndawonye ukuze kulungisiswe ezenotho lezombusazwe eZimbabwe.

Amazwi kaAmbassador Nichols aza ngemva kokubotshwa kwamalunga enhlanganiso ezizimeleyo ayisikhombisa kumaviki asanda kwedlula esetheswa icala lokuqoqa ukugenqula uhulumende kaMongameli Emmerson Mnangagwa.

Abantu laba babotshwa ngesikhathi bengena elizweni bevela emhlanganweni wenhlanganiso ezilwela ukulondolozwa kwamalungelo oluntu kweleMaldivies.

Abasolwa balokhu bevalelwe esitokisini njalo bayalilandula icala abaletheswayo.

XS
SM
MD
LG