amalinks wokungena

Breaking News

Itshonile Indodakazi kaTsvangirai uVimbayi, Yena Obelilunga Ledale Lephalamende


Umeli weGlen View South edale lephalamende uNkosikazi Vimbayi Tsvangirai-Java, yena obelilunga leMDC njalo eyindodakazi kamuyi uMnu Morgan Tsvangirai kasekho.

UNkosikazi Tsvangirai-Java ubhubhele eWest End Clinic eHarare ngoMvulo ngemva kokulimala kakubi engozini yemota eyabulala abantu ababili ayehamba labo eKwekwe ngenyanga edluleyo bevela koBulawayo.

UNkosikazi Tsvangirai-Java ukhethwe ukuba ngumabhalane wogatsha lwabesifazana kuMDC emhlanganweni walelibandla oweCongress kumaviki asanda kwedlula ngesikhathi elaliswe esibhedlela.

Unina uNkosikazi Susan Tsvangirai laye wafela engozini yemota ngomyaka ka2009. Uyise ubhubhe nyakenye ngemva kokuhlaselwa ngumkhuhlane wemvukuzane.

Umgcinisihlalo weMDC uNkosikazi Thabitha Khumalo utshele umsakazo weStudio 7 ukuthi balahlekelwe kakhulu njengebandla.

please wait

No media source currently available

0:00 0:02:51 0:00

Facebook Forum

XS
SM
MD
LG