Abaphatheka emsebenzini wama Insurance babe lomhlangano wokudinga indlela zokuthuthukisa inhlelo zama insurance ezingafinyelelwa nguzulu kabanzi kulandelwa izinqumo zikahulumende zeFinancial Inclusive Strategy kulumsebenzi.
Lumhlangano owenzelwe eHarare ubuthanise abakumsebenzi wezama Insurance, angafinyelelwa ngabantu makhaza abizwa ngokuthi ngamaMicro-Insurance.
Oqoqe lumhlangano emela inkampani eyeVivatshow, umnumzana Hanson Chimutenga, uthi benza lokuthi ngenjongo yokuthi inhlelo zama insurance zifinyeelwe ngabantu bonke.
[Lokhu kuqakathekile kakhulu ngoba I Insurance Iyindlela yokuvikela umuntu kulokho okungavela engakhangelelanga okuyikho kuqakathekile ukuba wonke umuntu abe layo evikeleke .Yikho sesithatha amanyathelo aqakathekileyo ukuze lokhu kwenzakale.
Uqhubeke ethi lokhu kuhambelana lezinqumo zelizwe ezeFinancial Inclusive Strategy kudaba lwama Insurance ukuze afinyelelwe ngabantu bonke abagoqela abangatholi inzunzo enkulu kangako. Umhlangano lo ungenwe langabatsha.
Umnumzana Munyaradzi Tumbare we Insurance institute of Zimbabwe uthi leli lithuba elihle kibo:
[Njengabatsha singabathungameli bakusasa yikho lapha sihlangene siphana amacebo okuthi sibone ngokucacayo udaba lwama insurance anje lendlela ahamba ngayo lokuhambelana kwayo lezomkhonomi nje.]
Text:Ezama Insurance ziyisigaba esivame ukuphathisa amazwe esekelana lentuthuko eyabe isenzakala kiwo. Umnumzana Reality Chuma we Mashwood Finance uthi yikho kuqakathekile ukuthola indlela zokuthuthukiswa komsebenzi wama insurance eZimbabwe.
[Sikhangela kuzwekazi le Africa Ikakhulu kucele le micro-insurance amazwe amanengi athuthuka kusetshenjiswa lindlela.Ngakho lelizwe elifana le Zimbabwe kuqakathekile ukuthi icele le micro-insurance lithuthukiswe.]End of act.
Umsebenzi weMicro-Insurance ugoqela ama insurance empilo yomuntu, awemota, ukuvikela ukuntshontshelwa, ukutshabalala kwezilimo lezifuyo, izindlu ezingashabalaliswa ngumlilo lokunye okunjalo.
Ingcitshi kulezi nhlelo zithi umumo wezomnotho eZimbabwe ongamanga kuhle okugoqela ukuqonga kwentengo mahlayana kwemphahla lokudla, ubangela ukuthi kube nzima kuzulu ukuba akhethe ukuthenga i-Insurance kulokuthenga ukudla eziphilise lemhuli yakhe.
