amalinks wokungena

Breaking News

UChamisa loMnangagwa Bafisela Uzulu weMelika Ikhefu Likazibuse Elihle


UMongameli Emmerson Mnangagwa lomkhokheli weMDC uMnu Nelson Chamisa ngoLwesine batshayele ihlombe iMelika ngokufikisa iminyaka engamakhulu amabili elamatshumi amane lantathu (243) ithole uzibuse ogcweleyo kuhulumende weBhilithani.

NjengeZimbabwe, iMelika layo yake yabuswa ngeleBhilithani yazothola uzibuse ngemva kwempi yenkululeko ngomnyaka ka1776.

Embikweni awethule enkundleni yeTwitter, uMongameli Mnangagwa uthe ufisela uMongameli Donald Trump lozulu weMelika ikhefu elihle.

Wengeze wathi ukhangelele ukuthi kube lobudlelwano obugxilileyo phakathi kweZimbabwe leMelika.

UMnu Chamisa, laye eloba enkundleni efanayo, yena ubonge uzulu weMelika ngokuxhasa abantu beZimbabwe ngaso sonke isikhathi njalo wabafisela ikhefu elihle.

UMongameli Trump ukhangelelwe ukukhuluma emkhosini wokunanza lelikhefu ozaqhutshelwa esigodweni seWashington DC.

Kuzakuba lezigwagwagwa zamabutho njalo ezitaladeni. Lokhu ngokwakuqala embalini yeMelika njalo uMongameli Trump usolwa ngabanye ngokwenza lokhu.

Abantu abanengi bazananza lelilanga ngendlela ezitshiyeneyo ezigoqela ukudla lokunatha nanku phela lomkhathi uyavuma njengoba kuyisikhathi sokutshisa nje.

Isizalwlane seZimbabwe esihlala esabelweni sePennyslvania, uNkosazana Sanelisiwe Ntini, utshele iStudio 7 ukuthi laye uzalinanza lelilanga ngokujabula labangane bakhe.

please wait

No media source currently available

0:00 0:03:56 0:00

Facebook Forum

XS
SM
MD
LG