amalinks wokungena

Breaking News

UMnangagwa lo Ramaphosa Bakhulumisana Ngodaba Lwamandla Kagetsi


Umgcinisihlalo we African Union Commission uMnu. Moussa Faki Mahamat ekhuluma ngeSonto.

Umongameli Emmerson Mnangagwa ubikwa ehlangane lomongameli Cyril Ramaphosa kwele Niger bakhulumisan ngokunceda eleZimbabwe ngamandla kagetsi.

Ababili laba bahlangane ngasese komhlangano womanyano we African Union oyenzelwa elizweni le Niger edolobheni le Niamey.

Phansi kwesivumelwano sababili laba, iphephandaba le Herald lithi umphathintambo wezamandla oweZimbabwe uzakuya kwele South Africa lapho okuzalotshelwana phansi isivumelwano sokuphathisa ele Zimbabwe ngamandla kagetsi asehlala esilela elizweni kulandela ukwehla kwamanzi edamu le Kariba.

Kodwa ele South Africa lalo lihlala licetshela izizalwane zalelo lizwe ngoba amandla la engeneli.

Ngeviki edluleyo umphathintambo wezamandla, uMnu. Fortune Chasi uthe inkampani ye Zesa isibhadale isikwelede senkampani ye Eskom eyakwele South Africa ingxenye yesikwelede eye $10 million kodwa linkampani yaphanga yazisa uzulu ukuthi akusilo qiniso okukhulunywa ngu Chasi.

Facebook Forum

XS
SM
MD
LG