amalinks wokungena

Breaking News

'Zilungiseleni Ukutshengisela Ezitaladeni': uChamisa Utshela Inkulungwane Zabasekeli beMDC


Movement for Democratic Change (MDC) supporters hold a poster of leader Nelson Chamisa during the party's 19th-anniversary celebrations in Harare, Zimbabwe, Saturday, Oct. 27, 2018.

Umkhokheli weMDC uMnu Nelson Chamisa ngeSonto utshele abasekeli bebandla lakhe ukuthi kumele behlale bezilungiselele ukuphatheka kuhlelo lokutshengisela ngokuthula ezitaladeni besola uhulumende ngokwehluleka ukulungisa umnotho welizwe.

Ekhuluma emhlanganweni ongenwe zinkulungwane lenkulungwane zabasekeli beMDC eMasvingo, uChamisa uthe ibandla lakhe lizaqhuba ukutshengisela lokhu maduze nje.

Wengeze wathi ibandla lekhe lifuna kuqhutshwe inkulumo phakathi kwalo lebandla leZanu PF ezizaletha inguquko kundlela ukhetho oluphathwa ngayo lokuthi amasotsha kumele atshiyane lokuhlukuza uzulu.

please wait

No media source currently available

0:00 0:00:50 0:00

UChamisa uthe ibandla lakhe kalilaso isifiso sokungena kuhulumende womanyano ofana loke waba khona ngomnyaka ka2009 phakathi kweZanu PF leMDC.

please wait

No media source currently available

0:00 0:00:33 0:00

Wengeze wathi abakufunayo yokuthi uMongameli Emmerson Mnangagwa aphume embusweni kungene Ibandla lakhe lona athi lizalungisa konke okuhluphayo ngokuphazima kweso.

UChamisa usole njalo ibandla leZanu PF esithi lisebenzisa ukudla lokunye okutshiyeneyo ukuthenga amavoti nxa kulokhetho.

Uphe umzekeliso weby-election yeBikita kanye leyeLupane ezakwenziwa ngenyanga ezayo lapho osokuvele khona ukuthi iziphathamandla zeZanu PF sezicele umphathintambo wezempilakahle ukuthi ahambise imithi emakiliniki afana leyeSt Pauls, iLupaka, iGomoza lamanye.

Umgcinisihlalo weMDC eMatabeleland North uMnu Prince Dubeko Sibanda laye ukusolile kakhulu lokhu esithi yikuthenga amavoti okusegcekeni.

please wait

No media source currently available

0:00 0:02:50 0:00

Lanxa abeMDC besithi uMnangagwa sehlulekile ukulungisisa umnotho, ilunga leZanu PF uMnu Malaki Nkomo yena uthi uzulu kumele aphe uMnangagwa isikhathi.

please wait

No media source currently available

0:00 0:02:09 0:00

Facebook Forum

XS
SM
MD
LG