amalinks wokungena

Breaking News

Amankampani Akwamanye Amazwe Asesiza eZimbabwe Ngobunengi, Kutsho uMnu Sibusiso Moyo


Umphathintambo obona ngobudlelwano beZimbabwe lamanye amazwe uMnu Sibusiso Moyo uthi uhulumende uyaphumelele emizameni yokuhuga amankampani akwamanye amazwe ngoba kulamankampani eMelika laweBhilithani asesiza eZimbabwe ukuzovula amabhizimusi.

UMoyo wethule amazwi la emhlanganweni awenze lezizalwane zeZimbabwe ezihlala kweleBhilithani ngeviki edluleyo ngesikhathi esethekelela lelolizwe ngenhloso yokuhuga osomabhizimusi balo.

Wengeze wathi manengi amankampani asesiza kumbe asethembise ukuzevula amabhizimusi eZimbabwe ikakhulu kunhlangothi zokuphehla amandla gagetsi.

Kusazobonakala ukuthi amazwi kaMoyo ngaweqiniso yini ngoba sesiside isikhathi uhulumende esithi selobelane izivumelwano lamanye amazwe ezizalethela ilizwe intuthuko kodwa kungaphumi lutho.

XS
SM
MD
LG