Ndebele Headlines Ntulikazi 19, 2019
Endabeni zethu lamhlanje ……………..
****** Umongameli Emmerson Mnangagwa utshele umhlangano wogatsha lwabesifazane lebandla leZanu PF ukuthi umsekeli wakhe, uMnu. Constantino Chiwengwa usesibangcono kwele South Africa lapho ayelatshwa khona umkhuhlane angawuvezanga.
******Umanyano wenhlanganiso zabesifazane, owe Women’s Coalition uthi uMfundisi Walter Magaya kacutshungulwe ngodaba lokudlwengula abesifazane.
********** Umsekeli kaMongameli welizwe, uMnu. Khembo Mohadi uphawule ukwakhiwa kwamahofisi kamsitheli koBulawayo lapho okuphiwe izakhamizi amasaka omumbu.
********** Owakhokhela ukutshengisela koBulawayo ngoLwesithathu wabotshwa, uMnu. Josphat Mzaca Ngulube ubekhangelelwe ukumiswa emthethwandaba namhla ecela ukuphiwa ithuba lokuhlawula isibambiso sebail.
************ Iqembu elimela iZimbabwe emdlalweni webhola lokughaqa elama Gems lizabhekana lele Jamica namhla emncintisweni wenkezo yamazwe womhlaba eye 2019 World Cup
********** KuLiveTalk namhlanje sixoxa ngodaba lukaMfundisi Walter Magaya owetheswa amacala okudlwengula abesifazane abangamalunga esonto yakhe abafumbathise ukuze bangamchazi. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.