amalinks wokungena

Breaking News

Umthetho Awuvumeli Ukubunjwa Kwekhomisheni koBulawayo, Kutsho Igqwetha


Kuhlaziywa Udaba Lwako Bulawayo
Kuhlaziywa Udaba Lwako Bulawayo

Ngesikhathi ezinye izakhamizi zakoBulawayo zisithi kuxotshwe amakhansila alelidolobho kubunjwe icommission ezaphatha intambo, inhlanganiso yezakhamizi iBulawayo Progressive Residents’ Association ithi isisekelo sombuso asikuvumeli lokhu.

Inhlanganiso ye BPRA ibize umhlangano yamema izakhamizi kanye lezethekeli ebezivela kwamanye amadolobho bezo bonisana ngendaba yecommission osekuthiwa kumele ithathe izikhundla zamakhansila wona axotshwe.

Laloba kunjalo umqondisi weBPRA uMnu. Emmanuel Ndlovu uthi isisekelo sombuso asivumeli ukubunjwa kwekhomishini ngoba lelinyathelo liphikisana lokunikezwa umbuso wezabelo omunyethwe yisisekelo sombuso, idevolution ngesilungu.

Lokhu kugcizelelwe ligqwetha, uMnu. Jabulani Mhlanga othi umthetho we Urban Councils Act uyavumela ukuxotshwa kwamakhansila lawo ayabe esetheswa amacala besekusiba lokhetho hatshi ukudiliza ikhansili yonke kubunjwe ikhomishini.

UMnu. Ambrose Sibindi umgcinisihlalo weBPRA uthi bakhangela umthetho lolwazi lokuthi kwamanye amadolobho abake baba labo commissioner kwahamba njani.

“Sikhangela umthetho lama experiences ukuthi kambe kwamanye amadolobho lapho okwangena khona icommission kwahambanjani, kodwa okuliqiniso okokuqala yikuthi siyanzanzelela ukuthi amakhansila nxa ekhethwa akhethwa ngabantu kuyindlela ye democracy esiyihloniphayo. Engumuntu ukhansila owakhethwayo olokugangakwakhe okusegcekeni owenza into engayisiyo lowo khansila ogangileyo sithi akaphume, nxa esephumile uzaba replaced ngendlela esemthethweni yama by elections so ngokunjalo sesimelele ireport ezabuya itsho. Thina njengenhlanganiso siyathatha imiddle road sihloniphe umthetho sihloniphe lama views abantu,” kutsho uSibindi.

Lanxa isisekelo sombuso sikubeka sobala ukuthi uhulumende akalamandla okufaka ikhomishini rzinye izakhamizi zako Bulawayo lokhe zifuna ukuthi ikhomishini ifakwe. Omunye wabo ngunkosikazi Patricia Tshabalala othi icommission yiyo ezaba ngumlamlankunzi kukho konke okukhona ekhansilini.

‘‘Mina ngitihi icommission ayibekhona yiyo ezaba ngumlamulankunzi phakathi kwaleli ibandla elilamakhansila angenzi kuhle .Yona icommission yakhona ingafakwa noma ifakwe yioyo iZanu pf nguJuly ngale ingayilahla sizayithwalisa nzima sizayitoyitoyela almost every day sizoyiqondisa ngoba kumele ingene iqondile.Asingeke sibe solokhe sibhanditsha amakhansila eganga IMDC alliance isithwalise nzima siyithembile ukuthi yiyo imain opposition esiyithembileyo so mina ngokwami ngithi ikhomishini ngiyayifuna,’’ kutsho uTshabalala.

UMnu. Welshman Mancinyane Ndiweni owake waba nguKhansila eNtumbane uthi akukhutshwe bonalabo abaphambanisayo kwenziwe iphethishini.

“Ngoba ikhomishini ezafakwa izabe ipolitical izabe isihlale phansi ipholithi bhiru yezanu bakhuluma ukuthi ngobani okumele babe ngama commissioners .The best thing okwakhathesi asikhupheni bonalabo kumbe bangu 10 kwenziwe iphethishini yokuba remover l know ipetion kungaba labantu aba more than a thousand in a ward umuntu uyahamba kube sekusiba lama by elections icommission singayi invite ngoba siyabe sesi invite a bigger problem than the problem,” kutsho uNdiweni.

UMnu. Lungani Ndebele uthi bakuzwile ukuthi amacommission awasebenzi ngendlela abafuna ngayo kodwa bazimisele ukuthi bazibonele.

“After ukuzwa okuvela kwamanye amadolobho okugoqelq iHarare le Gweru amaproblems esihlangane lawo sikuzwile ukuthi amacommission awaphefomi ngendlela amaresidents afunangayo but esikutshoyo thina lathi sithi amacouncilors awenzi ngendlela esifuna ngayo so sithi kuyafanana,” kutsho uNdebele.

Uzulu uveze ukuphatheka kakhulu ngoba ethi idolobho lakoBulawayo alikho ezandleni ezinhle zenkokheli etheswa amacala enkohlakalo. Inengi lithi ikhomishini ingcono kakhulu ukuze kukhitshwe izigilamkhuba ezikhokhelayo.

Ingxabangxoza yedolobho lako Bulawayo iqale kumaviki amathathu adluleyo ngemva kokuxotshwa kukasibalukhulukulu wedolobho, uMnu. Christopher Dube.

please wait

No media source currently available

0:00 0:03:26 0:00

XS
SM
MD
LG