Ikhotheme Indlovukazi yaseMelika Edume Ngokuloba Ingwalo Zabensundu

Umlobi wakweleMelika odumileyo uNkosikazi Toni Morrison kasekho. UMorrison ubhubhe izolo eseleminyaka yokuzalwa engu88.

Waba ngumlobi wesifazana wakuqala onsundu eMelika ukuthola umvuzo weNobel Prize in Literature.

UMorrison wayeloba egxile kakhulu kudaba lokucindezelwa kwabantu abansundu ngabamhlophe elizweni lakhe.

Ingwalo zakhe zigoqela oluthi ‘Song of Solomon’ lona olwathola umvuzo weNational Book Critics Circle Award ngo1977 kanye lelithi ‘Beloved’, lona elathola isicoco sePulitzer Prize ngo1988.

Owake waba nguMongameli weMelika uMnu Barack Obama ngomunye wabantu abakhalele imuli kaNkosikazi Morrison.

UObama uthe ukudlula kwakhe emhlabeni yikulahlekelwa kweMelika lomhlaba wonke jikelele.

Amazwi akhe agcizelelwe ngumlobi weZimbabwe, uNkosazana Novuyo Rosa Tshuma, yena oqhuba izifundo zakhe zaphezulu, ezePhD, kwezokuloba eUniversity of Houston, kweleMelika.

Embed share

Ingxoxo loNkosazana Novuyo Rosa Tshuma

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:19 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala