amalinks wokungena

Breaking News

MDC: UMatemadanda Engatsho Yiloba Yini, Kodwa Ukutshengisela Kwethu Kuyaqhubeka


Ibandla leMDC lithi ukutshengisela elikuqoqayo ezitaladeni zeHarare kuzaqhubeka njengokuhlelwa kwakho ngoLwesihlanu lanxa abeZanu PF besithi amapholisa kamelanga akuvumele.

Amalunga eZanu PF, agoqela umsekeli kamphathintambo obona ngezomvikela uMnu Victor Matemadanda, bathi injongo yeMDC yikubangela udlakela, ngakho kumele ivinjwe.

Kodwa umgcinisihlalo weMDC, uNkosazana Thabitha Khumalo uthi bayaqhubeka ngohlelo lwabo.

“Lokhu okukhulunywa nguMatemadanda kuyadanisa ngona isisekelo selizwe, uSection 59, uyavumela abantwana baseZimbabwe ukuthi batshengisele,” kutsho uMaKhumalo.

“So, oMatemadanda bazama ukwethusela uzulu weZimbabwe ngoba bona bakhomba ngophakathi. Kodwa inengi kalikhombi ngophakathi, yikho kuqakathekile ukuthi sitshengisele.”

please wait

No media source currently available

0:00 0:02:11 0:00

Ngakolunye uhlangothi, isiphathamandla seZanu PF uMnu Believe Gaule uthi iMDC ingavunyelwa, ilakho ukubangela udlakela elizweni.

Wengeze wathi amabandla ezombusazwe kamelanga avunyelwe ukutshengisela lanxa nje ibandla lakhe liyake litshengisele lalo njengeMDC.

“Abadala bathi ukubona kanye yikubona kabili,” kutsho uGaule. “Ukutshengisela lokhwana okwadlulayo kwasifundisa ukuthi ayisukutshengisela kuphela, kulenjongo ecatshileyo yokuganga.”

please wait

No media source currently available

0:00 0:02:25 0:00

Kodwa uMaKhulalo ukulandule lokhu esithi bazatshengisela ngokuthula.

Facebook Forum

XS
SM
MD
LG