****** Abebandla eliphikisayo ele MDC, elikhokhelwa nguMnu. Nelson Chamisa bathi amalungiselelo okutshengisela ngoLwesihlanu edolobheni le Harare, aqhubekela phambili lanxa kulokwethuselwa lokuhlukunyezwa kwamalunga abo abanye bebotshwa abanye bethunjwa.
**********Abohlangothi lwabesifazana bebandla leMDCbathi bayasekela ngokugcweleyo ukutshengisela okuqoqwa libandla labo.
********** Abohlangothi olubona ngokulondolozwa kwemvelo olwe Environmental Management Agency-EMA bethesa ikhansili yakoBulawayo umlandu wokungcolisa imifula ngengcekeza ephuma ezambuzini okungabangela ukuthi kuqhamuke imikhuhlane etshiyeneyo ebantwini lakuzifuyo.
********** KuLiveTalk namhlanje kuhlelo “Diaspora Forum” sikhangela ukutshengisela okuqoqwa libandla leMDC okukhangelelwe ukuqhutshwa ngoLwesihlanu. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.