Ugatsha olubona ngokuhlanzeka kwemvelo olweEnvironmental Management Agency (EMA) solwethese ikhansili yakoBulawayo umlandu wokungcolisa imifula ngengcekeza yezambuzi.
Lokhu kulakho ukubangela imikhuhlane etshiyeneyo ebantwini kanye lasezifuyweni; ngokutsho kukamabhalane wakoBulawayo uMnu Christopher Dube.
I-EMA ithi ingcekeza le ingcolisa imifula eduzane ledolobho ikakhuku uKhami loUmguza. Izakhamizi lazo zithi zithukuthele ngalokhi.
“KoBulawayo sikhanya sesizifaka entweni ebisela amalungelo abantu emuva,” kutsho isakhamuzi uMnu Kelebone Khabo.
“Amanzi yinto eqakathekileyo njalo kubi ukuthi thina sibe siziqhenya sisithi siyi-best council ngapha sinathisa abantu amanzi angcolileyo.”
Esinye njalo isakhamuzi uMnu Moses Ndebele uthi abasela siqiniseko sokuthi amanzi abawasebenzisayo alokhe ehlanzekile.
“Njengoba sekule-raw sewer engenileyo emanzini ethu, asisela siqiniseko sokuthi amanzi akhona ayabuya esetshenile. I-City Council ayibone ukuthi amanzi ahlanzekile ngoba siyacina sihlala njengeHarare sesinatha idoti,” kutsho uNdebele.
