amalinks wokungena

Breaking News

Ezemaphandleni: 'Omunye Uzabelethela Egangeni Khatshana Khonale Esiyadinga Nje Wona Amanzi'


Omama abazithweleyo abamelele ukubeletha ekilinika yeSitezi bahamba umango omude besiyadinga amanzi kulandela ukufa kwenjini edonsa amanzi eminyakeni emibili edlulileyo.

Udubo lolu luqale ngomnyaka ka2017 kulandela ukuna kwezulu elinengi eladala ukuthi injini le icwile phakathi komfula.

“Udubo lwamanzi lwaqalisa ngoCyclone kwasuka umfula wagcwala izindlu zasinka,” kutsho uMnu Chemist Siziba, yena obengumanjinela obekhangela linjini.

“Kulapho okwaqalisela khona udubo lwamanzi sayibisa lapha eGwanda bayihambisa koBulawayo; lamhla bathi ayisalungiseki ifuna imali enengi linjini.”

UNkosikazi Sovia Sibanda, olilunga lekomidi yekiliniki yeSitezi, uthi impahla zalikiliniki zigeziselwa emfuleni lapho izakhamizi ezinatha khona, okulakho ukudala imikhuhlane yesihudo.

“Abantu bayabe sebenatha ingcekeza yodwa, idairrhea yona siyithini ngensuku zalamuhla shuwa,” kutsho uNkosikazi Sibanda.

“Ukubonakala umuntu eqansa lenkonxa ehamba ekhilikithela emagodini engani kungaze kwenzakale okunye phela umuntu uyabeletha at anytime, angabelethela egangeni khonale ke?”

please wait

No media source currently available

0:00 0:03:40 0:00

Facebook Forum

XS
SM
MD
LG