amalinks wokungena

Breaking News

Kambe iZACC Ingaba Ihahabela Ukubopha uMugabe Ngoba Enguye Owathuma uMphoko?


UMnu. Robert Mugabe lababengabasekeli bakhe, uMnu. Phelekezela Mphoko (L) lo Mongameli Emmerson Mnangagwa (R). (Collage by Ntungamili Nkomo)

Kambe ugatshwa olucubungula amacala enkohlakalo, olwe ZACC lungaba luhahabela ukubopha uMnu. Robert Mugabe na kulandela imizamo yokuvalela uMnu. Phelekezela Mphoko esitokisini?

UMphoko kaziwa ukuthi ungaphi kulandela ukubaleka akwenzileyo ngoMvulo ngemva kokuzwa ukhophe lokuthi bafuna ukumfakela itshefu entilongweni nxa esevalelwe.

UMphoko wetheswa icala lokukhulula estokisini isisebenzi sogatsha lwezemigwaqo, iZINARA, uMnu. Moses Juma. Yena uMphoko, owayengumsekeli kaMongameli welizwe uthi lokhu wakwenza ethunywe nguMugabe esanguMongameli.

UMphoko wayengelabudlelwano obuhle loMnangagwa ngesikhathi ababili laba bengabasekeli bakaMugabe.

UMphoko wake watshingela uMnangagwa emphakathini esithi udelele uMugabe ngokuthi wafakelwa itshefu ku ice cream eGwanda. UMphoko wahathanisa uMnangagwa esithi ufuna ukubangela inzondano yabantu lokungahloniphi uMugabe.

Ezinye ingcwethi zomthetho zithi uMphoko wayemele abenguMongameli welizwe ngesikhathi uMugabe aze asuke esihlalweni ibandla leZanu PF lingakakhethi uMnangagwa ukuthi alikhokhele.

UMphoko uke wahlala kwele botswana ngesikhathi engumeli weZimbabwe kulelolizwe.

Facebook Forum

XS
SM
MD
LG