amalinks wokungena

Breaking News

AbakoMugabe Bathi Kabafuni Lakumbona uMnangagwa Emngcwabeni Wakhe


Amanye amalunga omndeni kaMnu Robert Mugabe athi akafuni lakubona uMongameli Emmerson Mnangagwa emfeni kaMugabe.

Amalunga la asola uMnangagwa ngokugenqula uMugabe embusweni esebenzelana lamasotsha ngomnyaka ka2017.

Umsakazo weStudio 7 wethekelele umndeni kaMugabe koZvimba ngoMgqibelo wathola izihlobo zakhe zithukuthele kakubi.

“UMugabe nguye ongabanjwa kanjalo njengengcekeza? Ngeke! Mina nginje, uMnangagwa engangena khonapha ezesikhalela, ngiqinisile ngingamenza okubi,” kufunge ubabakazi kaMugabe uNkosikazi Josphine Jarija.

“Lasejele ngizimisele ukuhamba. Ngiyabatshela iqiniso ukuthi lidingani lapha? Sizwa ubuhlungu, sizwa ubuhlungu. Angesabi ngitsho, ngitsho.

“Ngabe bayekela umntwanethu wazifela lapha, hatshi lokhu okokufela phandle kwelizwe. Basizwise ubuhlungu thina abemuli yakoGushungo… Sizwa ubuhlungu,” uqhubeke echasisa uJarira.

Abanye bebekhala ngokuthi uMugabe ubanjwe nguMnangagwa kubi lasekufeni ngoba besithi le-flag yeZimbabwe kayehliswanga njengokuvame ukwenziwa kungabhubha umuntu ohloniphekayo.

Isikhulumeli somndeni wakoMugabe uMnu Leo Mugabe wazise iStudio 7 ukuthi amalungiselelo omngcwabo abakabi lawo ngoba bemelele uhulumende ukuthi abazise ngawo.

Iqula lakoMugabe likhangelelwe ukulanda isidumbu sakhe yiloba nini.

please wait

No media source currently available

0:00 0:01:09 0:00

Facebook Forum

XS
SM
MD
LG