WASHINGTON —
Kufe abantu abalitshumi njalo kwalimala abanengi engozini yokungqikilana kwamabhasi amabili emangweni ophakathi kwedolobho leGweru leleKwekwe izolo.
Amaphephandaba kahulumende athi ingozi le yenzakale phakathi kwebhasi yeMandeep ebivela kweleSouth Africa isiya eGokwe lebhasi yeGovasburg, ebilubhekise eGweru.
Amapholisa athi asacwayisisa.
Ingozi zomgwaqo zivamile kakhulu eZimbabwe njalo zibulala abantu abanengi ngomnyaka.
Lanxa izizatho zitshiyana, inengi lithi imigwaqo engahlelekanga kuhle elizweni lonke jikelele ngenye yembangela yalezingozi ehamba phambili.