amalinks wokungena

Breaking News

ZCTU: Abantu Sebekwazi Ukuthi Umnotho Ubulawa Nguhulumende Hatshi Izijeziso


UMongameli Emmerson Mnangagwa esemkhosini wokukhankasela ukwesulwa kwezijeziso eNational Sports Stadium

Inhlanganiso emela izisebenzi eyeZCTU ithi ukungaphatheki kwabantu abanengi kuhlelo lukahulumende lokusola izijeziso ezetheswa amalunga eZanu PF ngoLwesihlanu kuveza sobala ukuthi uzulu uyakwazi ukuthi indubo abhekane lazo zibangelwa nguhulumende hatshi izijeziso.

Bayingcosana kakhulu abaphatheke ekutshengiseleni lokhu elizweni lonke jikelele.

UMongameli Emmerson Mnangagwa yena wethule amazwi akhe okuchothoza izijeziso lezi enkundleni yeNational Sports Stadium kulokulihlekana nje kwabantu okungatsho lutho.

UMnangagwa ucele eleMelika labomanyano weEuropean Union ukuthi besule izijeziso lezi, esithi yizo ezibulala umnotho welizwe.

Kodwa unobhala jikelele weZCTU uMnu Japhet Moyo utshele iStudio 7 ukuthi umnotho weZimbabwe ubulawa nguhulumende ngenkohlakalo lokungahloniphi amalungelo oluntu hatshi izijeziso.

Kusenjalo, uhulumende weZimbabwe usechothoze eleMelika ngokwethesa umphathintambo obona ngezabacuphi uMnu Owen Ncube izijeziso phezu kokwephulwa kwelungelo loluntu elizweni.

EleMelika lithethe lelinyathelo ngoLwesihlanu ngesikhathi uMnangagwa labanye bakhe betshengisela phezu kwezijeziso ezafakelwa amalunga eZanu PF yiMelika leEuropean Union.

please wait

No media source currently available

0:00 0:03:01 0:00

Facebook Forum

XS
SM
MD
LG