amalinks wokungena

Breaking News

Batshayene Abasekeli bakaChamisa labakaMwonzora Omunye Wagelwa Inwele Ngembodlela


Imota le ibikwa ingekaMnu Douglas Mwonzora. Itshaywe yafa ifasitela elikhulu laphambili.

Kuqhamuke ukulwisana phakathi kwamalunga ebandla leMDC asekela umkhokheli walo uMnu Nelson Chamisa labasekela isiphathamandla salelibandla uMnu Douglas Mwonzora eHarare ngoMgqibelo.

Udlakela lolu luqale ngesikhathi idale lalelibandla eleNational Executive lilungiselela ukuqala umhlangano walo wokuhlaziya udaba lokubhidlika komnotho lobunzima uzulu abhekane labo.

Abasekeli bakaChamisa babikwa behlasele abasekeli bakaMnu Mwonzora besithi yena uMwonzora udlelana lezitha zebandla.

Abasekeli bakaMwonzora abatshayiweyo batshele iStudio 7 ukuthi imota kaMwonzora layo itshayiwe yafa ifasitela elikhulu laphambili.

Omunye wabo ubevuvuke ilihle kuthi omunye ubehluzukile emzimbeni. Kulomunye njalo otshele lumsakazo ukuthi utshaywe wagelwa inwele ngembodlela.

Lanxa kubikwa kubotshwe abathathu phezu kodlakela lolu, isikhulumeli samapholisa uMnu Paul Nyathi uthe ubengeke ekufakaze lokhu ngoba ubengekho emsebenzini.

Abasakhulayo bakaChamisa bona bathi ayisibo ababangele loludlakela.

Umsekeli kaMnu Douglas Mwonzora uveza inxeba athi utshaywe khona ngabasekeli bakaMnu Nelsn Chamisa
Umsekeli kaMnu Douglas Mwonzora uveza inxeba athi utshaywe khona ngabasekeli bakaMnu Nelsn Chamisa

Facebook Forum

XS
SM
MD
LG