amalinks wokungena

Breaking News

Abamabandla Aphikisayo Lozulu Basola uMnangagwa Ngokuqhelisa iCabinet Yakhe


Abamabandla aphikisayo lozulu sebesole uMongameli Emmerson Mnangagwa ngokuqhelisa idale labaphathintambo bakhe besithi lokhu akusoze kuphathise ilizwe ngalutho njalo akwenzileyo yikupha nje abangane bakhe imisebenzi.

UMnangagwa uguqule i-cabinet yakhe ngoLwesihlanu wasungula ugatsha olutsha; wengeze njalo abasekeli babaphathintambo ngabahlanu.

Lokhu kutsho ukuthi uhulumende selabaphathintambo abangamatshumi amabili lanhlanu labasekeli babo abalitshumi lasitshiyagalombili.

Ugatsha olutsha ngolweNational Housing and Social Amenities njalo umphathintambo walo nguMnu Daniel Garwe.

UMnangagwa ususe njalo abaphathintambo abathile wabafaka ezikhundleni ezintsha.

Umeli weBinga North edale lephalamende njalo elilunga leMDC, uMnu Prince Dubeko Sibanda utshele iStudio 7 ukuthi lanxa bekhona abakhethiweyo abakhanya bekhaliphile, kaboni beletha inguquko ngoba uhulumende uvele uyazehlulekela.

please wait

No media source currently available

0:00 0:02:21 0:00

Obengumphathintambo wendaba zasekhaya (Home Affairs) uMnu Cain Mathema usengumphathintambo wezemfundo (Primary and Secondary Education).

Kambe uMnu Mathema ulakho ukuletha ububelo na kulolu gatsha athuthukise inhlalakahle yababalisi abahlala bekhonona ngeholo eliphansi?

Umsekeli kanobhala jikelele wenhlanganiso emela abablisi bemaphandleni eyeAmalgamated Rural Teachers Union of Zimbabwe eMatabeleland South, uNkosazana Melisa Chingwanangwana uthi basazoyicela isivuthiwe.

please wait

No media source currently available

0:00 0:02:18 0:00

Kodwa ilunga leZanu PF uMnu Believe Gaule utshele iStudio 7 ukuthi abebandla lakhe bayakusekela okwenziwe nguMnangagwa njalo balethemba lokuthi kuzaletha inguquko empilweni kazulu.

please wait

No media source currently available

0:00 0:02:01 0:00

Facebook Forum

XS
SM
MD
LG