Uzulu endaweni ezitshiyeneyo zelizwe uthi usephelelwe yizifuyo ngenxa yendlala eqhubekayo.
Ezansi yeMatabeleland sokufe inkomo eziphose zedlule inkulungwane ezinhlanu. Inengi lithi okwethusayo yikuthi ngitsho labobabhemi sebesifa.
Akuvamanga ukuthi amadonki abulawe yindlala lanxa isimo sisibi kanganani.
Ngaphandle kwezifuyo, inyamazana zendle ezifana lendlovu lazo zifa ngobunengi.
Ukusilela kwamanzi ngenxa yokutsha kwamadamu lezikotsho sokucina kubangela ukulwisana phakathi kwabantu lenyamazana lezi kubangwa wona amanzi.
Lokhu sokubangele ukufa kwabantu abangamatshumi amathathu lantathu lonyaka.
Abantu abanengi labo bakhala ngendlala lanxa nje abanye bethola ukudla abakwabelwa zinhlanganiso ezizimeleyo lohulumende.
Ukuhlaziya loludaba sixoxe lelunga leMDC uMnu Edwin Ndlovu endawonye lomeli weBulilima West edale lephalamende uMnu Dingumuzi Phuti onguye osungula lingxoxo.
