WASHINGTON DC —
Ugatsha olubona ngezomkhathi eZimbabwe olweMeteorilogical Services Department soluxwayise uzulu ukuthi aqaphele izulu elinengi elizakuna ngolaka kuqala namuhla kuze kuyefika ngoLwesihlanu.
Lolugatsha luthi izulu leli lilezavunguzane lombane kanye lesiqhotho, njalo lizachitheka endaweni ezifana leMasvingo, eManicaland, eMidlands kanye laseMatabeleland South.
Luthi izulu leli lizawisa izihlahla lidale lomonakalo omkhulu kwezinye indawo.
Ngakho luxwayisa abantu ukuthi balimuke njalo bahlale ezindlini nxa lisina.
Abatshayeli bezimota labo bayaxwayiswa ukuthi bengachaphi imifula nxa igcwele.
Izulu elifanayo libulale abafundi abahlanu endaweni ezitshiyeneyo zelizwe kunsukwana ezedluleyo. Abanye babafundi laba batshaywe ngumbane.