Odokotela bezinga laphezulu, amaSenior Doctors, ekade belokhe besiya emsebenzini, labo sebekhalele umsebenzi bekhonona ngokuxotshwa kwabodokotela bezinga laphansi, amaJunior Doctors nguhulumende.
Embikweni ewethule ngoLwesibili, inhlanganiso yeZimbabwe Senior Hospital Doctors Association, ithe uhulumende kumele abuyisele emsebenzini bonke odokotela abaxotshileyo abaphose bangene kumakhulu amahlanu.
Inhlanganiso le ithe uhulumende kumele njalo akhweze iholo labodokotela ngoba imali abayitholayo ingabenelisi lutho.
Odokotela abakhalale umsebenzi ngoLwesibili laba bebeselapha abantu abadinga uncedo oluphuthumayo, amaEmergencies.
Ukukhalala kwabo umsebenzi kutshiya umumo ezibhedlela zikahulumende ususesimeni esesabekayo nanku phela ubuvele umubi besakhona.
Abanye odokotela sebedlulise inyanga ezimbili bengayi emsebenzini bekhala ngeholo eliphansi. Kasenelisanga ukukhuluma leziphathamandla zikahulumende ngaloludaba.
