Izisebenzi Zikahulumende: Sicela Ukwengezelelwa Iholo Ukuze Lathi Sidle Ikhisimusi

Inhlanganiso emela izisebenzi zikahulumende eyeApex Council ngoMvulo ilobele uhulumende incwadi imcela ukuthi engezelele izisebenzi zakhe iholo likaMpalakazi ukuze zenelise ukunakekela imindeni yazo ngekhefu lekhisimusi.

Inhlanganiso le ithi umuntu ohola imali ephansi kumele athole amadola eZimbabwe alingana leUS$450.

Ithi ukukhwela mahlayana kwentengo yezinto ezitolo sokulethele izisebenzi zikahulumende ubunzima obukhulu.

IApex Council icele njalo ukuhlangana leziphathamandla zikahulumende bakhulumisane ngaloludaba ngokuphangisa.

Isiphathamandla senhlanganiso emela ababalisi eyeZimta uMnu Sifiso Ndlovu utshele lumsakazo ukuthi ngempela uhulumende kumele abengezelele iholo ngoba bethwele nzima.

Embed share

Ingxoxo loMnu Sifiso Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:33 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Umphathintambo wezemfundo uMnu Paul Mavima utshele iStudio 7 ukuthi ubengakayiboni incwadi yeApex Council ngoba ephandle kwelizwe.

Kodwa uthe inkulumo zeholo lezisebenzi zikahulumende sezedlula. Ngakho, uthe nxa kungaba lokukhulumisana, kuyabe sokungokomnyaka ozayo.

Ngakolunye uhlangothi odokotela bathi bayaqhubeka ngokukhalala umsebenzi lanxa uhulumende ebethe kumele babe sebebuyelile ngeSonto.

Bathi iholo labo kalikengezwa njalo ukusilela kwemitshina lemithi ezibhedlela lakho akukalungisiswa. Kodwa bathi baphakathi kokukhulumisana lohulumende.