Amabandla aphikisayo sesole ibandla leZanu PF ngokukhankasela ukhetho luka2023 kulokuthi likhangelane lokuvusemela umnotho welizwe lokuqeda inkinga ezidlisa uzulu weZimbabwe imbuya ngoluthi.
Insolo le iza ngemva kokuba izabelo zeZanu PF eMatabeleland laseMidlands zazise ngempelaviki ukuthi zisekela uMongameli Emmerson Mnangagwa ukuthi abe nguye yadwa oncintisa emele lelibandla.
Abasekeli balelibandla enyakatho lasezansi yeMandebeleni labo bathethe isinqumo esifanayo kunsukwana ezedluleyo.
Lokhu kwenzakala ngaphambilini komhlangano weZanu PF oweAnnual Conference ozaqhutshelwa eGoromonzi kusasa.
Ukugijimela ukukhetha uMnangagwa lokhu lanxa nje ilizwe lisanda phuma kukhetho lwanyakenye yinto ebivamile kakhulu ngesikhathi sikaRobert Mugabe kulokulwisana phakathi kwecele lakhe eleG40 lelikaMnangagwa eleLacoste.
Abanye bathi ukukhethwa kukaMnangagwa lokhu kungaba kuveza ukulwisana o okukhona phakathi kwakhe lenye inkokheli yeZanu PF.
Umgcinisihlalo weMDC-T eMelika uMnu Den Moyo utshele iStudio 7 ukuthi ukwenza kweZanu PF ngokwabantu abangelandaba lokulungisisa ubunzuma obuselizweni.