amalinks wokungena

Breaking News

Abamandla Ehlukeneyo "Bacupha Mganu Munye" Edilini Lokunanza Ilanga leUnity Day eMaboleni, Bebukela IDynamos le TelOne


UMnu. Joshua Nkomo emhlanganweni eHarare ngomnyaka ka 1980 evela empini.

Izolo bekulikhefu lokunanza ilanga lokumanyana, ele Unity Day kulandela ukulobelana isivumelwano se Unity Accord phakathi kukaMnu. Robert Mugabe owayekhokhela ibandla leZanu PF loMnu. Joshua Nkomo owayengumkhokheli webandla le pf zapu ngomnyaka ka 1987.

Abantu abangedlula inkulungwane ezinhlanu i5000, bevela kumabandla ezombusazwe atshiyeneyo beze emcimbini wokuthakazelela usuku lomanyano olwe Unity Day eMaboleni, esigabeni se Lower Gweru. Wona ke kungumcimbi obuqoqwe lilunga lephalamende elimele iVungu Constituency uMnu Omega Sibanda.

Abantu abanengi bajabule kakhulu ukubona iqembu lenguqu elikhulu eZimbabwe iDynamos idlalela ebhuqwini leqembu le TelOne okuyinto ebamangalise kakhulu. UMnu Omega Sibanda ummeli weVungu ephalamende uchaza ngomcimbi lo oqakathekisa ukubambana lokusebenzela ndawonye kwabantu.

UMnunzana Benjamin Mpala ngukhansela webandla eliphikisayo leMDC laye ebesemcimbini lo njalo uthi usebenza kahle loMp wakhe kuloba engoebandla leZanu PF.

Unkosazana Sheilla Muderere lilunga lebandla leZanu PF yena ke ujabule okwamagama ngosuku lolu.

Labebandla leMDC bebekhona bethakazelela usuku lwe Unity Day. Unkosazana Fortune Mbiba ngomunye sabo.

UNkosaza Tendayi Mhlanga uthi ukumbana kuyinto eqakathekileyo.

Ngemva kokudla, kuthe selimathunzi, kwabalomdlalo weDynamos leTelOne. UMnu Rahman Gumbo ngumqeqeshi we TelOne.

Umdlali wenguqu odumileyo owake wadlalela iHighlanders uJoel Luphahla uthi ukubisa amaqembu enguqu amakhulu emakhaya kuyanceda ukuthuthukisa umdlalo kwabasakhulayo abahlala khona.

Inengi labantu kulesisigaba lithi abakwenzelwe lilunga ledale lesigaba sabo abasoze bafa bakukhohlwa. Bathi badle basutha, bagida babukela umdlalo enguqu lapho leqembu leTelOne wifi boys linqobe eleDynamos Dembare 4-3 kuma penalty shootouts lathatha inkezo Unity Cup.

please wait

No media source currently available

0:00 0:04:25 0:00

Kodwa abanye bathi lelilanga alibakhumbuzi ukumanyana kodwa libakhumbuza okudabula inhliziyo zabo. Sixoxe lomunye wabo, uMnu. Ernest Malandu Moyo, owayeyisibotshwa ngesikhathi sempi yenkululeko.

please wait

No media source currently available

0:00 0:02:17 0:00


Facebook Forum

XS
SM
MD
LG