Kuhlelo lokuzilibazisa namuhla njengoba sesilanda nje ikhefu leKhisimusi sileqembu leMabuza Express Band, lona elisanda kwethula idlalade lalo elitsha.
Leli lidlalade laleliqembu elakuqala njalo lilesihloko esithi ‘Amalungelo.’
Umkhokheli weMabuza Express, uGiveus Mabuza uthi bahlabela bekweleSouth Africa lanxa nje bedabuka koManinji, ePlumtree.
“Ukuhlabela ngiqale ngo2016 ngisahamba leqembu leManiji Express sa-recorda amadlalade amathathu. Leli ngingathi ngelesine, kodwa ngelakuqala sengizimele ngedwa,” kutsho uMabuza.
Idlalade leli lilengoma eziyisithupha ezigoqela ethi ‘Impilo Iyatshintsha,’ ‘Mzalwane,’ ‘Mntanami,’ ‘Siza Nkosi,’ kanye lethi ‘Kulumhlaba.’
UMabuza uthi abangathanda ukuthenga idlalade lakhe bangamthola kuWhatsApp kumbe bamfonele kunombolo zocingo ezithi +27797205760.
Uyatholakala njalo enkundleni yeFacebook phansi kwegama lakhe elithi Giveus N Mabuza.
