# Umthethwandaba weHigh Court namuhla wehlulekile ukuhluza isicelo sikaNkosikazi Marry Mubaiwa, ongumkakhe kamsekeli kaMongameli welizwe uMnu Consntantino Chiwenga, esokuthi akhululwe ngemali yesibambiso ngoba umtshutshisi ethe ufuna ukubala amaphepha avele enkantolo kamantshi kuqala ukuthi aluzwisise kuhle loludaba. UMubaiwa wetheswa icala lokuzama ukubulala umyeni wakhe.
# Uzulu ukhala ngokutshisa kwelanga osokubulele izilimo kwezinye indawo zelizwe. Izulu selilesikhathi lingani njalo amadlelo lawo abikwa esebunile.
# Kudaba lwethu lwezehlakalo ezimqoka ezenzakale lonyaka siphatha udaba lokutshona kukaMnu Robert Mugabe lomkhokheli webandla leZapu uMnu Dumiso Dabengwa.
# Umkhokheli weqembu leFC Platinum uLizwe Sweswe uthi iqembu lakhe liphakathi kokuzilolonga lilungiselela imidlalo yeCAF Champions League.
# KuWoza Friday sihamba leqembu labesilisa bakoBulawayo abahlabela iAcappella eleFamily Voices.
# KuLiveTalk sixoxa ngobunzima obebukhona kwezenotho lakwezombusazwe lonyaka. Nxa lifuna ukungena kuhlelo lisithumele imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo7:30 ntambama lango6:30 ekuseni, kumagagasi athi 909 AM, 4930, 13860 laku 15460 kilohertz kuShortwave.