amalinks wokungena

Breaking News

I-ZACC Ithi Isivule Amacala Enkohlakalo Angu600, Kodwa Umbuzo Omkhulu Ngothi Bakhona Na Abazavalelwa?


High Court Zimbabwe

Imbiko yeZimbabwe Anti-Corruption Commisson (ZACC) yokuthi isivule amacala enkohlakalo angamakhulu ayisithupha etheswa abantu abagoqela abaphathintambo bakahulumende, abahluleli bemithethwandaba leziphathamandla zamankampani, isiphehle imbono etshiyeneyo.

Umgcinisihlalo walikhomishini uNkosikazi Loice Matanda-Moyo utshele iphephandaba leSunday Mail izolo ukuthi phakathi kwamacala alikhulu asebewaphenyile, amacala angamatshumi ayisikhombisa lane aphatha abantu abaphakemeyo.

Inkohlakalo ludaba oluhluphayo kakhulu eZimbabwe njalo inengi lithi uhulumende ugcwele izikhohlakali, yikho nje esehluleka ukuvuselela umnotho.

Lanxa abanye bewamukela kuhle umbiko wekhomishini le, abanye bathi kababoni kusiba lotshintsho ngoba sokuyinhlalayenza ukuthi iziphathamandla zibotshwe kodwa ziphange nje zikhululwe.

Ingcwethi ecubungula ezombusazwe uMnu Effie Dlela Ncube utshele iStudio 7 ukuthi kungaba yinto enhle nxa ikhomishini le iqinisile.

Kodwa uthi okudingakalayo yikuthi amacala lawa atshutshiswe ngokuphangisa njalo abatholakala bawadala bavalelwe ejele.

please wait

No media source currently available

0:00 0:04:01 0:00

Facebook Forum

XS
SM
MD
LG