amalinks wokungena

Breaking News

Lanxa Abantu Bejabula Ngokugqiba Umnyaka Ka2019, Kubuvilibana Phambili


Inengi lithi liyathokoza ngokugqiba umnyaka ka2019 namuhla njalo lithi lizaphanga likhohlwe ngawo ngoba ubungumnyaka olukhuni ngenxa yokutshabalala komnotho, ukudula kwezinto, ukusilela kwemali lokusilela kwamagetsi lamafutha ezimota.

Umnyaka lo ubulendlala embi njalo ehlasele abantu abaphose bafike kuzigidi eziyisitshiyangalombili, 7, 7 million abadinga ukudla okuphuthumayo.

Abanye bakhala ngokukhwela kwembadalo yezikolo besithi abasoze benelise ukuhlawulela abantwababo ekuvulweni kwezikolo kumaviki amabili alandelayo.

Lanxa uhulumende ehlezi esithi ulenhlelo zokuthuthukisa impilo kazulu lokuvuselela umnotho welizwe, inengi lithi akulabubelo obubakhona. Ngakho, lithi kubuvilibana phambili.

Isiphathamandla senhlanganiso yeBulawayo Progressive Residents Association (BPRA), uMnu Thembelani Dube uthi uyikhothile imbenge yomile uzulu weZimbabwe lonyaka.

please wait

No media source currently available

0:00 0:03:36 0:00

Facebook Forum

XS
SM
MD
LG