WASHINGTON DC —
Umthethwandaba weHigh Court ukhangelelwe ukuhluza isicelo sikaNkosazana Marry Mubaiwa esokuthi akhululwe ngesibambiso se-bail namuhla ukuze amacala akhe athoniswe evela ngekhaya.
UMubaiwa ngumkakhe kamsekeli kaMongameli weZimbabwe uMnu Constantino Chiwenga njalo ubotshwe kumaviki amabili edluleyo esetheswa icala lokuzama ukubulala umyeni wakhe kanye lamanye awenkohlakalo.
Ababili laba bakhanya sebesehlukana. UMubaiwa ubephambi kwenkundla kamantshi izolo lapho udaba lwakhe oludluliselwe khona phambili kumhlaka 14 ngoZibandlela, ngokubika kwephephandaba leHerald.
Inkantolo yeHigh Court yiyo ezakutsho namuhla ukuthi uzaqhubeka evalelwe na eChikurubi Maximum Prison kumbe uyakhululwa.