Abasakhulayo abahlala eMatabeleland abedlula ikhulu baphatheke kuhlelo lokuvivinywa izolo bedinga indawo zokufundela ukuba ngabongi ngemva kosizo abaluthole kwezinye izakhamizi zeMandebeleni.
Abasakhulayo laba bebevela endaweni ezigoqela eVictoria Falls, ePlumtree lakoBulawayo njalo bebedinga indawo ezikolo zabongi ezisezibhedlela ezifana leseParirenyatwa esiseHarare leseUnited Bulawayo Hospitals esikoBulawayo.
Abanye babikwa bebesehluleka ukugcwalisa amafomu okudinga indawo ngoba bebengaluqondi kuhle uhlelo lokudinga indawo lezi olwenziwa ngama-computer kanti njalo abanye bebengelayo imali yokugada.
Kulapho ke okungenele khona ezinye izakhamizi zeMatabeleland zahlanganisa imali njalo zabaphathisa ngendingeko ezitshiyeneyo ezenze benelisa ukuyavivinywa, ama-interviews ngesingisi.
Sebezamelela ukuzwa ukuthi batholile yini indawo kumbe hatshi.
Omunye wabaqoqe uhlelo lokuphathisa abasakhulayo laba uMnu Descent Collins Bajila utshele iStudio 7 ukuthi bathethe inyathelo leli ngoba bekunanzelela ukuthi banengi abantwaba abavela eMatabeleland abakhuthwa ngamathuba kungafanele ngenxa yokuswela imali lolwazi.