amalinks wokungena

Breaking News

Ukungani Kwezulu Kubangela Ukuthi Izakhamizi Zilahle Ithemba Lokuvuka Kwezilimo


Umumbu ositshile ngelanga.

Izakhamizi zemaphandleni zithi zidlela evalweni ngoba zisesabela ukubulawa yindlala lonyaka kulandela ukungani kuhle kwezulu lisekhudumuzi esesitshise izilimo emasimini.Zithi ngaphandle kokuthi uhulumende angenele zizabulawa yindlala.

Inengi selilahle ithemba lokuba izilimo ezihlanyelwe kunyanga edlulileyo zizavuka.

Lokhu kuza ngesikhathi inengi kulesisabelo livele libhekane lendlala embi kakhulu kulandela ukungani kuhle kwezulu kusukela ngomyaka ka2018.

uMnu Lizwe Mlilo oyisakhamuzi seNyandeni uthi umangoye selala eziko njalo sesesabela ukuya kogoqwa nyawo lonyaka ngenxa yendlala.

“Lo osuqalile vele sizakufa ngokuthi kade sikhangelele ukuthonta kwezulu sisithi izulu kumbe lizakuna manje worse ukwedlula umnyaka ophelileyo asilalutho siyakhalela khonalokhu ukuthi uhulumende angasincedisa akhangele kakhulu ngokudla sinikwe lathi ukudla okuzayenza imzimba yethu ukuthi ihlambuluke abantu bazakufa ngokuthi vele kuhola abantu abalutshwane,” kutsho uMlilo.

Esinye njalo isakhamuzi seNyandeni uNkosikazi Andreas Ncube uthi laloba umnyaka odlulileyo ubumubi kukhanya sengathi lonyaka isimo sibi okuphindwe kabili.

“Ubunzima kodwa sesibona ingani ubengcono mbinjana kulalokhu ngoba lonyaka sokungani sekuphambili ngoba lokulima asisaqedenga ukulima sesihlezi sesifisa khona ukuthi nga laye uhulumende uyangenela sithole amabele sithi sithenga okuncane silakho njalo lempuphu zibe khona ezitolo ngoba nginje sengike ngayayidinga ngayiswela ngaze ngayizuza nzima,” kutsho uNcube.

UKhansila weNyandeni uMnu Adam Bhebhe uvumile ukuthi akumanga kuhle esigabeni sakhe esithi kuyadingeka lokuthi inhlanganiso ezizimeleyo zingenele zisize ngoba uhulumende engenelisi ukusiza wonke umphakathi.

“Ikakhulu lapha esigabeni sami ngithwele nzima ngabantu abadinga ukudla , ukudla kulutshwane kakhulu sesizame ngazo zonke indlela ukuthi kwengezelelwe kodwa kwehlula mina ngifisa nga ama Non-Governmental Organisation ayangenela asincedise ikakhulu ku Food for Work abantu basebenze eminye imisebenzi silamadamu amanengi esifuna ukwenza kathesi njengoba thina singakwanisa ukuthi singabamba amanzi silemfula eminengi engabamba amanzi sizilimele senze ama Irrigation,” kutsho uBhebhe.

UMnu. Dennis Moyo ngomunye obethembele ukuthi izulu lizakuna basizakale njalo uthi sekuyadingeka ukuthi kuhlanganiswe amakhanda ukuze udubo olubhekane lozulu wakuleli luxazululwe.

“Besithembile sisithi mhlawumbe lumnyaka esikuyo uNkulunkulu uzasikhumbula izulu libekhona kodwa hayi kuyafana nje esikukhangeleleyo kakhulu thina njengabantu bemaphandleni yikuthi ngabe uhulumende uyangenela ancedisane labantu , kuqakathekile ukuthi kube lokukhulumisana njalo ukukhulumisana lokhu akukhangelelwe abantu ngendlela asebephatheke ngayo elizweni ngoba vele lapho okulwa khona iNdlovu kuwa lezihlala ezingelacala kodwa izihlahla ezingabantu yizo izihlahla uhulumende wonke ozidingayo ukuthi zimvotele zimncedise,” kutsho uMoyo.

Amazwi akhe asekelwe nguMnu Gabriel Moyo isakhamuzi seMawane othi ukhangelele ukuthi kubelenguquko kwezomnotho okuzadala ukwehla kwentengo yempahla ezitolo.

Kutsho uMoyo: “Besikhangelele ukuthi aluba izinto ziyatshintsha bakithi izinto zithengeke laye undoda lo azame ukuthi aguqule umbono wakhe aguqule lenhliziyo yakhe ibe yinhliziyo ezwela abantu hatshi inhliziyo yokuthi omunye lomunye azibonele.”

Indlala yanyakenye idale ukufa kwenkomo ezedlula inkulungwane ezingamatshumi amabili emhlubulweni wemaNdebeleni osekutshiye inengi lezakhamizi lingabayanga lingela zifuyo zokuthengisa ukuze liziphilise.

Inhlanganiso eziphathisa ngokudla zithi abantu abayizigidi ezimbili elizweni bakusimo sendlala embi kakhulu edinga ukwekethiswa ngesiphangiphangi.

please wait

No media source currently available

0:00 0:01:55 0:00


Facebook Forum

XS
SM
MD
LG