amalinks wokungena

Breaking News

Kukhunjulwa Isikhathi Kubulawa Abantu Ngamasotsha Nyakenye


Ngesikhathi kutshengiselwa nyakenye.

Uzulu uphakathi kokukhumbula abantu abayisitshiyagalombili ababulawa ngamasotsha lamapholisa ngalesisikhathi nyakenye ngemva kokukhalala umsebenzi okwakuqoqwe yinhlanganiso yeZCTU phezu kokutshabalala komnotho.

Ukutshengisela lokhu kwaqala mhlaka 14 ngoZibandlela kwaphela ngemva kwensuku zintathu. Kwaba lodlakela ikakhulu eHarare lakoBulawayo lapho abanye abagqekeza khona ezitolo bantshontsha kwathi abanye batshisa izimota.

Amapholisa lamasotsha ahlasela ngemibhobho abulala abayisitshiyagalombili laba njalo alimaza abangamakhulu amabili.

Abanye abafayo labalinyazwayo babengelani lokwenza lokutshengisela lokhu. Kulabesifazana njalo abathi badlwengulwa ngamasotsha.

Ukuhlukuluzwa kwabantu lokhu kwasolwa kakhulu ngamazwe omhlaba esithi kumele uhulumende kaMongameli Emmerson Mnangagwa ahloniphe Amalungelo oluntu. Kodwa olwela amalungelo oluntu uMnu Charles Nyoni uthi okudanisayo yikuthi amalungelo oluntu alokhe engahlonitsha nguhulumende.

please wait

No media source currently available

0:00 0:02:31 0:00


Facebook Forum

XS
SM
MD
LG