amalinks wokungena

Breaking News

Umbalisi weNjube High School Otshengisele Emgwaqweni Labafundi Sebalekile Elizweni Esithi Wesaba Ukubulawa


Umbalisi weNjube High School obikwa edingwa ngamapholisa ngamehlo abomvu uMnu Brian Mutsiba uthi sebalekile elizweni ngoba esesaba ukubulawa ngabezomvikela phezu kokutshengisela akwenze labantwana besikolo sakhe ngoMvulo.

Abafundi laba bebekhonona ngokungafundiswa ngemfanelo ngenxa yokukhalala umsebenzi kwababalisi bekhala ngeholo eliphansi lokunye okutshiyeneyo okungahambi kuhle ezikolo.

UMutsiba weqe umngcele ngokungekho emthethweni waya kwelinye ilizwe angafunanga ukuliveza. Uthi ubalekile ngoba edingwa ngamapholisa labacuphi bebutho, iMilitary Intelligence.

Uthi balakho ukumbulala. Amapholisa abikwa efuna ukumethesa icala lokutshotshozela abafundi laba ukuthi batshengisele.

Ababalisi abanengi baphakathi kokukhalala umsebenzi phezu kweholo njalo abazali labo bakhala ngokukhuphuka kwenhlawulo yemfundo.

UMutsiba uthi lokhu ngokunye okwenze wabambana labafundi kulokhu kutshengisela. Abantwana beNjube High School labo babikwa sebethwaliswe nzima ngamapholisa.

UMnu Mutsiba utshele iStudio 7 ukuthi kasoze abuyele ekhaya ngoba sokuzalele ingwe.

please wait

No media source currently available

0:00 0:04:02 0:00

Asenelisanga ukukhuluma lamapholisa kanye leziphathamandla zikahulumende ngaloludaba.

XS
SM
MD
LG