amalinks wokungena

Breaking News

IZanu PF Ithi uChamisa Udlalisa Isikhathi Ngokuya kuRamaphosa, Kodwa iMDC Ithi Umlamulankunzi Uyadingakala


UMnu Nelson Chamisa loMongameli Emmerson Mnangagwa
UMnu Nelson Chamisa loMongameli Emmerson Mnangagwa

Lanxa ibandla leZanu PF lisithi akulasidingo sokuthi uMongameli wakweleSouth Africa uMnu Cyril Ramaphosa angenele kudaba lweZimbabwe, ibandla leMDC lithi umlamulankunzi uyadingeka ukuze kulungisiswe ukubhidlika komnotho kanye lezombusazwe.

Umkhokheli weMDC uMnu Nelson Chamisa ukweleSouth Africa ukuyacela uRamaphosa ukuthi amlethe ndawonye loMongameli Emmerson Mnangagwa ukuze bakhulumisane.

Uthi abomanyano weSADC labeAfrican Union labo kumele bangenele kuguqulwe imithetho ephathelane lokuqhutshwa kokhetho ukuze ukhetho luka2023 lube ngolukhululekileyo.

"Sikubona kufanele ukuthi sikhulumisane loRamaphosa ngoba uMnangagwa yena kakuboni ukuthi izinto sezonakele. Ngakho kuqakathekile ukuthi kube lomlamulankunzi," kutsho umgcinisihlalo weMDC uNkosazana Thabitha Khumalo.

Kodwa abeZanu PF bathi uChamisa kumele angene kunkulumo zePOLAD nxa efuna ukuxoxisana loMnangagwa.

"Esikutshoyo yikuthi ubaba uChamisa kumele angene kuPOLAD lamanye amabandla nxa efuna kukhulunyiswane. UMnangagwa kasoze ahlale phansi loChamisa eyedwa," kutsho ilunga leZanu PF uMnu Malaki Nkomo.

please wait

No media source currently available

0:00 0:05:31 0:00

XS
SM
MD
LG