amalinks wokungena

Breaking News

Moyo: Kulabedlula Amakhulu Amabili Abasahlolisiswa Ukuba Bangabe Bathelelwa iCoronavirus eZimbabwe


Umpathintambo wezempilakahle, uMnu. Obadiah Moyo

Umpathintambo wezempilakahle umnumzana Obadiah Moyo uthi eleZimbabwe selilendawo lapho esigcinelwa abanakanelwa ukuba bangabe bathelelwa igcikwane leCoronavirus eHarare leVictoria Falla.

UMoyo uthi sebeqoqa inhlelo zokufundisa uzulu ngalumkhuhlane kodwa okuqakathekileyo yikuvimba ukuthi ungangeni ngoba ungavele ungene kuzaba nzima ukuthi uphathwe njani njengoba lomumo okhona elizweni kwezenotho lakwezempilakahle ungeke wamelana lalesi sifo.

Kodwake inhlolisiso enziwe yiStudio 7 ezitaladeni lasemikambo ethengisela abanengi e Harare, iveza ukuba inengi labantu ikakhulu abasakhulayo labesifazana abakazwisisi ngalesisifo bethi asilani labo ngoba sikhatshana.

Umnumzana Albert Mazula owenhlanganiso yezakhamizi eye Harare Residents Trust uthi bakhathazekile kakhulu ngoba lesisifo singangena kuleli dolobho silakho ukusabalala masinyane nje, ngokwanda kwabantu asebegcwala ndawana yonke bezama ukuphila ngenxa yomumo womnotho ongamanga kuhle.

“Kulokuxokozela kwabantu okumangalisayo , yisiphithiphithi.Ungakhangela emabhasini lase makhombini ngabantu uthi uyabuya ungena ezitolo silemisika emikhulu lama shopping mall uhle ubone ukuthi ungabuya umkhuhlane unje ungasabalala ngoba yisiqobeqobe sibili abantu sebesiba crowded kakhulu.”

U Dokotela Charlot Mupamhanga ofundisa odokotela ekolitshini le University of Zimbabwe School of Medicine uthi inkinga yikuthi isifo sohlobo lwama virus aselapheki sisabalala ngokwanda kwabantu.

“Ungaba le virus nje ngezinye izikhathi iyaziphelela nje yodwa ngoba I virus ayila treatment kodwa abantu kumele bezivikele . Oku most important yikugeza izandla ikakhulu ungahlangana labantu abanengi kumbe nxa ukhwehlela kumele sifundele ukuvala umlomo sizame ukutshiyana lendawo ezilabantu abanengi , njenge Coronavirus evela eChina ungakhangela Isabalala kanje ngenxa ye overcrowding.”

Abenhlanganiso yezisebenzi zemigodini eye National Mine Workers Union of Zimbabwe bathi bakhathezekile kakhulu ngoba inengi lezisebenzi ezingamalunga zisebenza labadabuka eChina emigodini enjiwa amatshe aligugu kanye lamalahle.

Umnumzana Sylvester Mushaike walinhlanganiso uthi ngokunjalo nxa lesi sifo singahlasela eZimbabwe ngesimo somnotho lezempilakahle okungamanga kuhle kungaba lomonakalo owesabekayo.

“Bona eChina khathesi sikhuluma kanje bakha I quarantine okuyisibhedlela esikhulu esi accommodetha abantu abafika ku 50 000 or so kodwa ngapha thina asila mali eyokwenza okunje.”

Okubethusayo uMushaike yikuthi banengi abadabuka eChina abasebenzela eZimbabwe abangabe bebethekelele ekhaya ngekhefu le Khisimusi lokuthakazalela umnyaka wabo omutsha, oweChinese New Year mhlaka 25 Zibandlela, okungenzeka, ukuthi baqale ukuphenduka emsebenzini kuyonale iviki bebuya lomkhuhlane.

“Umuntu engakasuki eChina eAirport kahlolwe ahle abonakale ukuthi ulayo yini I virus kumbe hatshi nxa elayo abuyiselwe e China khonapho khonapho ngoba ngapha angiboni silawo umuthi owekwelapha, even abethu abantu abavakatshele e china nxa befika lapha kaba hlolwe nxa belaso isifo bebuyiselwe labo e china beyolatshwa kuqala.”

UDokotela Chipamhanga uthi okuqakathekileyo yikuthi abantu bazivikele bengameleli ukuze bahlaselwe andubana bathathe amanyathelo umkhuhlane ususabalala.

“Ungezwa ungezwa kuhle, umzimba utshisa , ukhwehlela ukuphumula kuqakathekile kakhulu. Infact I number one treatment ye virus infection nje in general yi kuphumula kumbe I rest ubususiya ema clinic kuma nurse lama dokotela ukuthi bakuhlole.”

Isifo seCoronavirus siqamuke edolobheni leWuhan kweleChina ngenyanga edluleyo kaMpalakazi kugqitshwa umnyaka ka2019, sasabalaliswa ngabantu sayafika lakwamanye amazwe womhlaba edlula alitshumi lanhlanu agoqela I Japan, Korea, Thailand lamanye.

Kunje inani lasebebulewe yilumkhuhlane selingamakhulu phose amane kweleChina kuphela. Ele Philippines yilizwe lakuqala eselilahlakelwe ngumuntu oyedwa ebulawa yilumkhuhlane. Asebefunyenwe belalu mkhuhlane sebezinkulungwane ezedlula ezilitshumi lasikhombisa-17,200.

Abantu be Zimbabwe labo sebevame ukwethekelela kwele China ngobunengi besiyadinga imphahla elentengo ephansi abanye besiyafunda khonale, okwenza babe sengozini enkulu yokuthelelwa lumkhuhlane lokuwuletha ekhaya.

Umpathintambo wempilakahe uMnu Obadiah Moyo uyavuma ukuthi kunje sebekhona abe Zimbabwe abangamakhulu edlula amabili abavele kweleChina abasahlolisiswa ukuthi bangaba lomkhuhlane weCoronavirus na.

Ingcwethi zezempilakahle zithi udubo yikuthi eleZimbabwe kalilungelanga ukuphatha lumkhuhlane ngoba kunje abahlolisiswayo laba basemzini yabo akulandawo ebekiweyo yokubafaka ngesikhathi besahlolisiswa abakubiza ngokuthi yi ‘quarantine’.

please wait

No media source currently available

0:00 0:04:44 0:00

Facebook Forum

XS
SM
MD
LG