WASHINGTON DC —
Kufe abantu abayisikhombisa njalo kwalimala abedlula amatshumi amahlanu eKwekwe izolo kulandela ukungqikilana kwebhasi yeZupco lemota encane yohlobo lweHonda Fit.
Isikhulumeli samapholisa uAssistant Commissioner Paul Nyathi uthi abathathu bafele emoteni encane njalo abanye abathathu bafela ebhasini.
Oyedwa ufele esibhedlela.
UNyathi wengeze wathi lingozi yenzakale ngemva kokuba umtshayeli webhasi ezame ukuvika iHonda Fit kodwa wayitshaya yagiqika kathathu.
“Ingozi le yenzakalele emgwaqweni osuka koBulawayo usiya eHarare njalo ibhasi ibisiya eHarare. IHonda Fit yona ibivelela ngaseHarare,” kutsho uMnu Nyathi ekhuluma leStudio 7.