amalinks wokungena

Breaking News

Abesifazane Bemaphandleni Bamanyana Labanye Ekunanzeni Ilanga Labo


Omama bemaphandleni.

Abesifazane bemaphandleni bathi sebemelele ukuthakazelela ilanga labo ngeSonto eleInternational Women's Day lapho abazahlolisisa isibanga asebesihambile kunhlelo zokulinganiswa kwamathuba abesilisa labesifazane.

Inengi labomama lithi lelilanga libapha amadlabuzane lethuba lokuthi bahlangane bahlolisise ngendubo ababhekane lazo njengabesifazane baphume lamaqhinga okuqeda lezindubo.

Umhlaba wonke jikelele uzamanyana ngeSonto lapho kunanzwa ilanga labomama eleInternational Women's Day.

UNkosikazi Santa Mabuya oyisakhamuzi seSitezi uthi lelilanga libalulele kakhulu kibo njengabo mama.

“Ilanga labomama lilanga elisibusisayo thina omama ukuthi singazikhangeleli phansi singaziyeyisi ezintweni zonke ezenziwayo kumele kufanele umama aphatheke kizo ungazitsheli ukuthi ungumntwana njengayizolo okukuthiwa umama ngunmntwana namuhla silelungele lukuthi sikhulumele singomama phakathi kwabobaba obaba basilalele sinxusa futhi labangakabikwazi ukuthi kabakebakwazi ukuthi ilanga lika8 ngelethu thina omama asiceni lokuliphakamisa thina omama singafuni ukuohakanyiselwa ngabanye abantu,” kutsho uMabuya.

UNkosikazi Getrude Mhlanga oyiskhamuzi se uthi njangabomama bemaphandleni sebewathola amathuba abetholwa ngobaba phambilini.

“Njengabomama sesiwathola amathuba ngoba esigabeni sakithi silaye uSobhuku ongumama lama khansila kukanti kudala kwakusakala kungokwabobaba njalo amantomabazana sesenza izifundo izibalisa ezobujinela okwakuthiwa ngezabafana, ngithi kubomama asiphakameni sisekele omama ezikhundleni,” kutsho uMhlanga.

UNkosikazi Julieth Nkiwane umqondisi wenhlanganiso yabomama eyeWomen Development Association of Zimbabwe WODAZ uthi bazahlangana kusasa koMzimuni labanye omama bethakazelela ilanga labo.

“Omama benza imidlalo ngikhuluma nje amagroup amanengi alungisa imidlalo lonyaka sizayithakazelela sikoMzimuni lonyaka ngiyabona ukuthi ngo2023 indawo omama banengi bazachallenger obaba kumaprimary ngoba befuna ukustander ukuba ngamakhansila ukuba ngoMP noga bayatshiseka ukuthi labo baphatheke,” kutsho uNkiwane.

Uphinde wathi omama bemaphandleni lokhu belwisa ukufinyelela amathuba athola ngabesilisa.

“Nxa kumbe kulamathuba its rare ukuthi uzwe kuthiwa umama wasemakhaya udojiwe ukuthi abenguMP even abanye omama nxa sifika emadolobheni ungathi ungumama wemakhaya bahle bakubone njengomama ongazi lutho umuntu ongelalutho angalutsho kumbe angalucabanga izinto azike ziqalele emakhaya zisiya emadolobheni ngoba into yonke iqalela emadolobheni isiza emakhaya kuthi sekucatshangwa umama wemakahaya,” kutsho uNkiwane.

Inhlanganiso ezitshiyeneyo seziqoqe imbuthano yokuthakazelelela lelilanga leInternational Women's Day elizweni lone jikelele kulenkuthazo kubobaba ukuthi labo baphatheke ekuthuthukisweni kwabomama.

please wait

No media source currently available

0:00 0:03:35 0:00


Facebook Forum

XS
SM
MD
LG