amalinks wokungena

Breaking News

EleMelika Ligxilisa Izijeziso Elazethesa uOwen Ncube loAnselem Sanyatwe


EleMelika lithi seligxilise izijeziso elazethesa umphathintambo obona ngokusebenza kwabacuphi uMnu Owen Ncube lowake waba ngukhomanda webutho elilondoloza uMongameli weZimbabwe uMnu Anselem Sanyatwe.

UNcube loSanyatwe betheswe izijeziso zenotho nyakenye lugatsha olubona ngobudlelwano beMelika lamanye amazwe olweState Department lubethesa umlandu wokuphatheka kundaba zokuhlukuluzwa kwabantu abaphikisa umbuso weZanu PF lokwephula amalungelo oluntu.

NgoLwesithathu ugatsha lweUS Department of the Treasury’s Office of Foreign Assets Control luthe lujezise uSanyatwe ngoba waphatheka ekubulaweni kwabantu libutho ngo2018 lapho okwafa khona abantu abayisithupha.

Luthe njalo uNcube ujeziswe phezu kokwephulwa kwamalungelo okugoqela ukwaliswa kwabantu abasola umbuso weZanu PF ukuthi batshengisele ezitaladeni.

Embikweni awethule enkundleni yeTwitter, unobhala obona ngobudlelwano beMelika lamanye amazwe uMnu Mike Pompeo uthe izijeziso lezi ziveza sobala ukuthi iMelika ayisoze ivumele labo abahlukuluza uzulu weZimbabwe ukuthi bafinyelele izimali abangaba bezifihle kwamanye amazwe besebenzisa amabhanga eMelika.

Facebook Forum

XS
SM
MD
LG