Inhlanganiso yeMISA Zimbabwe isimangalele amapholisa emthethwandaba iwethesa icala lokuhlukuluza intathelizindaba ngesikhathi zisenza umsebenzi wazo ngalesisikhathi sokuvalwa kwelizwe phezu komkhuhlane weCoronavirus.
Inhlanganiso le ikhweze amaphepha ayo ngoLwesihlanu kulandela ukuhlukuluzwa kwentatheli ezigoqela ezomsakazo weStudio 7 kanye leyenkundla yeNewZimbabwe.com.
IMisa Zimbabwe ithi umthethwandaba kumele ulaye amapholisa ayekele intathelizindaba zisebenze zikhululekile.
Inhlanganiso yeZimbabwe Lawyers for Human Rights layo imangalele amapholisa lamasotsha iwethesa umlandu wokungenela abantu emayadini abo ebahlukuluza.
Inkantolo yeHigh Court izahluza loludaba ngoMvulo.
Amapholisa lamasotsha wona aqhubeka egcwele emigwaqweni lasemadolobheni emizameni yokwenqabela ukuhambahamba kwabantu.