WASHINGTON DC —
Owake wasebenzela umsakazo weZBC enguDJ njalo ethandwa ngabantu abanengi uPeter Johns kasekho.
Ubikwa ebhubhele kweleBhilithani izolo ngemva kokugula okwesikhathi eside.
Ubeseleminyaka yokuzalwa engamatshumi ayisithupha (60). Umufi wayekuRadio 3, esisaziwa kulezinsuku ngokuthi yiPower FM, lapho ayetshaya khona ingoma ezazithakazelelwa linengi esaziwa ngelokuthi “The Radio Driver.”
UPeter Johns waqala ukusebenzela umsakazo weZBC ngomnyaka ka1981 wazosuka ngo2002 esesiya kweleBhilithani.
Akukazakali ukuthi uzabekwa nini njalo ngaphi.