amalinks wokungena

Breaking News

Sebengu-51 Asebebanjwe Igciwane leCoronavirus eZimbabwe


Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)

Inani labantu asebebanjwe iCoronavirus eZimbabwe selikhwelile laya kumatshumi amahlanu lanye, 51, ngemva kokutholakala kwabathathu belegciwane leli izolo.

Ugatsha lwezempilakahle luthi ababili babantu laba bavele kweleBotswana kunsukwana ezedluleyo kuthi oyedwa yisakahumzi seHarare esingazange siphume elizweni.

Ukufunyanwa kwabathathu laba belomkhuhlane weCovid-19, wona obangelwa ligciwane leCoronavirus kuza ngemva kokutholakala kwababili kuthange belomkhuhlane lo.

Omunye wabo ubevela eSouth Africa njalo omunye ubevele kweleBotswana.

Ugatsha lwezempilakahle luthi asebehloliwe igciwane leli elizweni lonke sebesedlula inkulungwane ezingamatshumi amathathu, 34,707.

Asebefile balokhu bebane kuthi asebesindile labo balokhu belitshumi asitshiyangalombili.

Emhlabeni jikelele umkhuhlane lo usubulele abantu abangu 334,000 njalo wahlasela abedlula izigidi ezinhlanu, 5,188.000.

Ukukhuphuka kwenani labalomkhuhlane lo eZimbabwe osokusenzeka phose nsuku zonke yinto ekhathaza abantu abanengi.

Sixoxe lesiphathamandla senhlanganiso elimukisa uzulu ngeCoronavirus eyeCitizens Covid-19 Monitor uMnu Effie Dlela Ncube.

please wait

No media source currently available

0:00 0:02:30 0:00

Facebook Forum

XS
SM
MD
LG