EleZimbabwe lizamanyana lamanye amazwe eAfrica namuhla ekunanzeni ikhefu leAfrica Day uzulu ehlezi ngekhaya ngenxa yeCoronavirus.
Ilanga leli ngelokukhumbula ukusungulwa komanyano weOrganization of African Unity (OAU) mhlaka 25 ngo1963.
Sokuleminyaka engamatshumi amahlanu lasikhombisa, 57, umanyano lo wasungulwa njalo ususaziwa ngokuthi yiAfrican Union.
Injongo yekhefu leli ngeyokujabulela inkululeko yamazwe eAfrica.
Kodwa abalwela amalungelo oluntu emazweni atshiyeneyo abuswa ngezandla ezilukhuni, bathi akulalutho lokuthakazelela ngoba inkululeko abayiboni.
Ingcwethi ecubungula ezombusazwe uMnu Effie Dlela Ncube utshele iStudio 7 ukuthi ngaphandle kokuhlukuluzwa kwabantu ngohulumende ababusa ngodlame, kuqakathekile ukuthi amazwe eAfrica ananze lelikhefu.
