WASHINGTON DC —
Inani labantu asebesindile kumkhuhlane weCovid-19 eZimbabwe selikhwele laya kumatshumi amabili lahlanu, 25, kuthi asebebanjwe lumkhuhlane bona balokhu bengamatshumi amahlanu lasithupha, 56.
Ugatsha lwezempilakahle luthi kulezakhamizi zakoBulawayo ezinhlanu ebezilomkhuhlane lo ezitholakale sezimsulwa ngoMgqibelo.
Izolo khona kutholakale ezimbili ezihlala eHarare lazo sezisindile. Asebefile bona balokhu bebane.
Abaqoqa amanani mayelana ngalumkhuhlane eJohns Hopkins University, bathi emhlabeni wonke umkhuhlane lo usubulele abantu abangu-344,077 njalo wahlasela abedlula kancane i-5,3 million.
Ezwekazi leafrica khona usuhlasele abantu abangu-107,000 njalo wabulala abangu-3, 246.