amalinks wokungena

Breaking News

Kulabantu Abangamatshumi Phose Amathathu Abavele kweleSouth Africa Ababanjwe iCovid-19 Izolo


Kulabantu abangamatshumi amabili lasikhombisa, 27, ababanjwe umkhuhlane weCoronavirus izolo.

Ugatsha olubona ngezempilakahle luthi bonke abantu laba ngabavele kweleSouth Africa.

Lokhu kutsho ukuthi inani lasebefunyanwe beleCovid-19 eZimbabwe selikhwele laya kumakhulu amathathu alesitshiyagalombili lantathu, 383.

Asebesindile kulumkhuhlane balokhu bengamatshumi amahlanu lane kuthi asebefile labo balokhu bebane.

Idolobho leHarare yilo elikhokhelayo ngabantu abaleCoronavirus abayi-149 lilandelwa yiMasvingo yona ele-49 kuzothi isabelo seMatabeleland South, sona esilabantu abangu-46.

UMongameli Emmerson Mnangagwa uhlele namuhla ukuthi kube lilanga lapho uzulu azazila khona njalo akhulekele ukuthi umkhuhlane lo udlule.

Isiphathamandla senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi ukukhuphuka kwenani labalomkhuhlane lo kuveza sobala isidingo sokuthi uhulumende ahlole abantu ngobunengi.

please wait

No media source currently available

0:00 0:02:20 0:00

Facebook Forum

XS
SM
MD
LG