amalinks wokungena

Breaking News

'Uhulumende Kazimiselanga Ukulwisana Lenkohlakalo Elizweni'


Uzulu seveze imbono etshiyeneyo phezu kwenyathelo leZimbabwe Anti-Corruption Commission lokusungula uhlelo lokuthathela abantu abacatshangelwa ukuthi yizikhohlakali inotho yabo nxa bengehluleka ukuveza ubufakazi bokuthi bayithola ngokusemthweni.

Umgcinisihlalo walikhomishini uNkosikazi Loyce Matanda Moyo utshele iphephandaba leSunday Mail izolo uktuhi uhlelo lolu lubizwa ngokuthi ‘Wakazvitenga Sei’ okutsho ukuthi ‘Wakuthenga Njani’.

Uthi lanxa umuntu engaze efunyanwe yinkantolo emsulwa, ikhomishini yakhe ilamandla okumthatheka inotho yakhe engehluleka ukuchasa imvelaphi yayo ngendlela esuthisayo.

Lanxa abanye bekwamukela lokhu, abanye bathi ikhomishini le idlala nje amadlwane ngoba ibazi mhlophe abantu abetheswa amacala enkohlakalo kuhulumende kodwa kayezi lutho.

Okunye njalo okumangaza abanengi yikuthi umphathintambo wezempilakahle, uMnu Obadiah Moyo ubotshiwe ngoLwesihlanu esetheswa icala lokutshaphaza imali kahulumende kudaba kodwa wavunyelwa ukuyalala endlini yakhe wavuka eziyela enkantolo engela zankosi njengezinye izibotshwa.

Olwela amalungelo oluntu uMnu Difa Dube uthi lokhu kuveza sobala ukuthi uhulumende kaMongameli Emmerson Mnangagwa kazimiselanga ukulwisana lenkohlakalo ngokugcweleyo.

please wait
Embed

No media source currently available

0:00 0:03:02 0:00

XS
SM
MD
LG