amalinks wokungena

Breaking News

Kungamanga ukuthi uNguwaya uleDiplomatic Passport, Kutsho uMnu Sibusiso Moyo


Minister Sibusiso Moyo Zimbabwe's Foreign Affairs – speaking to reporters Harare (08/12/2018) - laments the move by President Donald Trump to sign the Zimbabwe Democracy and Economic Recovery Amendment Act of 2018, last week. (C. Mavhunga/VOA)

Umphathintambo obona ngobudlelwano beZimbabwe lamanye amazwe uMnu Sibusiso Moyo uthi kungamanga ukuthi isiphathamandla senkampani yeDrax International uMnu Delish Nguwaya, obotshwe ngeviki edluleyo, ulePassport ephiwa iziphathamandla zikahulumende kumbe abantu abaqakathekileyo abenza umsebenzi welizwe, iDiplomatic Passport.

Embikweni awethule izolo uMoyo uthe nxa kuliqiniso lokhu, uNguwaya wayithola ngokungekho emthethweni leyo Passport.

UNguwaya usejele ngemva kokubotshelwa ukuqambela uhulumende amanga ukuthi iDrax International yinkampani elungisa amaphilisi, okwabangela ukuthi iphiwe umsebenzi wokudingela ilizwe okokusebenzisa ukuvikela umkhuhlane weCoronavirus lamanye amaphilisi.

Inkampani le yayizabhadlalwa imali engange US$60 million.

UMnu Nguwaya ubikwa elobudlelwano lemuli kaMongameli Emmerson Mnangagwa lanxa nje imuli kaMnangagwa imphika.

Imifanekiso eyathathwa kumalanga atshiyeneyo edindwe yinkundla yeZimLive.com iveze uNguwana elamawele kaMongameli Mnangagwa, uCollins loShaun.

Inkampani yeDrax International yathenga ama-mask atshiphileyo yawathengisela uhulumende ngeUS$1 million. Le yinto ecunule abantu abanengi.

Ingcwethi ecubungula ezombusazwe uMnu Effie Dlela Ncube utshele iStudio 7 ukuthi udaba lobudlelwano beDrax International lemuli kaMnangagwa kumele luphenywe kabanzi.

please wait

No media source currently available

0:00 0:03:10 0:00

Facebook Forum

XS
SM
MD
LG